Битката на Добро Поле – 15.09.1918/2018 – 100 години од пробојот на Македонскиот фронт – еднодневна екскурзија
  • Дата: 15.09.2018
  • Место: Добро Поле – Општина Новаци

Добро Поле е месност на Ниџе Планина каде на 15 септември 1918 година се случил пробојот на Македонскиот фронт.

Првата светска војна на некој начин значела и кулминација на лошата состојба во Македонија, која од крајот на XIX век била постојано во состојба на внатрешни немири и против своја воља била вклучена во сите воени конфликти кои се случиле на Балканот. Населението било преполовено од глад, болести и воени дејствија, особено во регионот Мариово, каде се случиле и голем број од поважните битки за време на ПСВ.

Еднодневната џип екскурзија на 15 септември 2018 г, се одржува со цел за одбележување на овој датум, како и за поголема промоција на регионот Мариово во областа на меморијален туризам.

Организатор на екскурзијата: Здружение за запознавање и патување ОФ РОУД-МАКЕДОНИЈА Битола

Поддржано од: Општина Новаци

Во соработка со: ТА Турист Битола и ТА С-Травел Битола

Програма

Програма

15.09.2018

  • 08.00 ч – Старт – Општина Новаци
  • Туристичко возење низ селата – Новаци, Маково, Рапеш (~ 1 час).
  • Кратка пауза на живописна локација во близина на село Старавина од каде се гледаат поголем број на локации од ПСВ.
  • Туристичко возење по шумски пат до месноста Добро Поле со кратки попатни паузи (~ 2 часа)
  • Упатување пеш до месноста „Бронзена Рака“ (~ 1.2 km / 20 мин) (Виртуелна прошетка од патеката…).
  • Комеморативни активности (~ 1 ч)
  • Враќање назад до возилата (~ 1.2 km / 20 мин)
  • Туристичко возење до село Зовиќ (~ 2 ч 20 мин)
  • Ручек во Етно куќа „Кај Мостот“ село Зовиќ
  • Крај на настанот ~ 16.00 ч

* Село Зовиќ е оддалечено 50 км од Битола. Посетителите по желба по завршувањето на настанот може да се упатат директно во Битола или пак да го искористат моментот и да уживаат во ова прекрасно село.

Надморски висини:

Битола (576 м), Церова Полјана (1092 m), Добро Поле (1736  м)

Вид на пат:

  • Битола – Црна Река (Рапешки мост) – 40 км асфалтен пат
  • Црна Река (Рапешки мост) – с. Старавина – 10 км (земјен пат погоден и за лесни возила)
  • с. Старавина – Добро Поле – 22 км (шумски пат прооден само со 4х4 теренски возила)
  • Шумска патека проодна само пеш – од местото каде се оставаат возилата до месноста „Бронзена рака“ (околу 1.300 m) (Линк до интерактивно видео од патеката…)

Кој може да учествува

  • Поединци
  • Тимови со 4х4 возила

Повеќе инф.

За Добро Поле

Пробојот на Македонскиот фронт се случил токму на Добро Поле и е настан со големо значење во историографијата на Првата светска војна. Петнаесет дена по битката капитулирала Бугарија, по што следела Австро-Унгарија (4 ноември 1918 година) и примирјето со Германија на 11 ноември 1918.

На 15 септември 1938 г, дваесет години по пробојот, Добро Поле го посетува делегација од Франција и поставува споменик (кој покасно исчезнува) на местото кое и денес е познато како „Бронзена рака“, а воедно интересно е да се спомене дека денес во Париз постои улица која е именувана токму Добро Поле (Rue Du Dobro pol), што е доказ плус за важноста на оваа локација.

Фото

Важно

Важно

Сигурносни препораки

  • Бремени жени, стари лица и гости кои имаат проблеми со врат, грб или други здравствени проблеми и алергии се препорачува да се консултираат со доктор, во однос на нивното учество на настанот.

  • Доколку сте алергични или имате потреба од некои лекарства понесете ги со Вас. Имајте во предвид дека Добро Поле е оддалечено околу 3 ч 30 мин возење од Битола.

  • Деца под 18 години, мора да бидат придружувани од родител или старател.

Старт / Крај

  • Старт: Општинска зграда – Општина Новаци

  • Крај: Село Зовиќ

Препорачана опрема:

  • Соодветна облека и обувки за во природа. Од местото каде се оставаат возилата до месноста „Бронзена рака“ има околу 1300 м шумски пат. Се препорачува носење на соодветна облека за во планина.

  • Очила за сонце со UV филтер

  • Крем за заштита од сонце (препорачано над SPF 30)

  • Средство против инсекти

  • Фото апарат

Храна и пијалоци

  • Организаторот ќе обезбеди вода за учесниците и ручек во Етно куќа „Кај мостот“ село Зовиќ.

Заштита на животната средина

  • Строго е забрането и е казниво со закон било какво загадување на животната средина.

Право на учество

  • Право на учество имаат поединци и групи од Република Македонија и странство.
  • Екипите кои ќе учествуваат со сопствено возило, самостојно одговараат за исправноста на возилото.
  • При пријавувањето на учесниците со сопствени возила, предност ќе имаат возилата со капацитет на исполнетост над 50%.
  • Во соработка со туристички агенции и лиценцирани превозници на екскурзијата е овозможено да присуствуваат и лица кои не поседуваат џип.

Измени во програмата и отказ на екскурзијата

  • Организаторот има право да ја измени програмата во случај на виша сила или вонредни околности кои не можел да ги предвиди, избегне или отстрани.
  • Доколку претходно уплатил, учесникот на патувањето има право на рефундација на износот за нереализираните услуги или пак соодветна замена.
  • Организаторот е должен благовремено да ги извести учесниците за новонастанатите промени.

Пријавување

Цена по лице:

  • 25 евра (сопствен превоз) 1

  • 65 евра (со вклучен превоз) 2

* Поради специфичноста на теренот, бројот на учесници е ограничен.

* Во цената е вклучено организација на настанот, ручек во село Зовиќ (1) /+ превоз со климатизирано теренско возило (2).

* Превозот е со климатизирани теренски возила во соработка со туристички агенции и лиценцирани превозници.

* На настанот може да учествуваат само технички исправни теренски возила.

За повеќе информации пополнете ја контакт формата и ќе Ви одговориме во најкраток можен рок.

Пополнете ја контакт формата за повеќе информации

Close Menu