Зовиќ – Мариово – Еднодневни екскурзии

Село Зовиќ е познато по прекрасниот Филмски мост на Градешка река, живописната природа, традиционалната архитектура и многу други работи кои го прават ова село една од најпосетуваните локации во Мариово.

Инфо

Инфо

  • Вид на тура: Туристичко возење со Џип (4х4 возило)

  • Тежина на турата: лесна

  • Локација: село Зовиќ, Општина Новаци

  • Време кога може да се оганизира турата: пролет, лето и есен. (во зима доколку дозволуваат временските услови)

  • Траење на екскурзијата: 8-10 часа

  • Надморски висини: Битола: 615 m, Зовиќ 721 м

Програма

Програма:

  • 08.00 ч – Поаѓање од претходно договорена локација во Битола

  • Туристичко возење низ селата – Логоварди, Новаци, Маково, Рапеш (~30-40 мин).

  • кратка пауза на живописна локација во близина на село Рапеш

  • Туристичко возење низ кањонот на Црна Река преку Рапешки мост, до село Зовиќ (~30 мин)

  • Слободни активности во село Зовиќ

  • 15:00 ч – тргнување на групата назад кон Битола

  • ~ 16:00 ч – пристигнување во Битола

*По договор – можност за традиционален Мариовски ручек и ноќевање во Етно куќа „Кај мостот село Зовиќ“.

Што да посетите во село Зовиќ

Мостот во село Зовиќ се вбројува меѓу најубавите архитектонски дела во Мариово. Изграден е од делкани камени блокови во лачна форма и прилагоден е на конфигурацијата на теренот. Во долниот дел во непосредна близина на реката од страна на селото изградена е Воденица, која населението ја користело за мелење на житарици.

Воодушевен од убавината на мостот, најпознатиот македонски режисер Милчо Манчевски, сними дел од својот филм „Прашина“, токму на ова место.

Чистата Градешка река, претставува одлично место за одмор и рекреација на целото семејство, а воедно и за разладување во летните месеци.

Вашиот престој во село Зовиќ, не би бил комплетен доколку не ја посетите и Етно куќата „Кај Мостот“, надалеку позната по автентичните гурмански специјалитети од Мариово.

Во село Зовиќ има две цркви.

Црквата Св. Никола е лоцирана во центарот на селото и е изградена 1862, претрпела големи оштетувања за време на Првата Светска Војна и е обновена 1927 година. Интересно кај оваа е фактот дека нејзините ктитори, односно два од побогатите селани кои го помогнале нејзиното градење, се презентирани како светци на влезовите на црквата, што претставува вистинска реткост во овие краеви. Се работи за ликовите на “дедо-Богдан Секилковић” и „дедо Анђеле Анђелевић”, опишани во научниот труд на Војислав С. Радовановић објавен 1927 година.

Втора и постара е црквата Свети Атанасиј која е мала еднокорабна црква изградена надвор од селото во XVII век од кога се смета дека и селото постои на ова место.

Патувањето вклучува

Патувањето вклучува

  • Превоз до посакуваната локација со теренско возило

  • Организација и реализација на патувањето

Не е вклучено

  • патничко осигурување

  • други индивидуални трошоци

Можност за традиционален ручек во етно куќата „Кај Мостот“ (Етно куќата работи со претходна најава)

Важно

Важно

Освен Етно куќата во село Зовиќ не постои друг трговски објект од типот на ресторан, супермаркет и сл. од каде би можело да се купи храна и пијалоци. Селото се снабдува со вода од локален водовод, која локалното население ја користи за пиење.

Сигурносни препораки

  • Доколку сте алергични или имате потреба од некои лекарства, имајте во предвид дека сите џип тури се на локации надвор од урбаните средини.

  • Деца под 18 години, мора да бидат придружувани од родител или старател.

Старт / Крај на екскурзијата

Гостите се земаат / враќаат од претходно договорена локација во Битола (хотел, паркинг и сл)

Препорачана опрема:

  • Соодветна облека и обувки за во природа. На некои локации има висока трева, па доколку планирате кратки прошетки, неопходно е да носите соодветна облека.

  • Очила за сонце со UV филтер

  • Крем за заштита од сонце (препорачано над SPF 30)

  • Средство против инсекти

  • Фото апарат

Храна и пијалоци

  • Во екскурзијата не се вклучени храна и пијалоци

Заштита на животната средина

  • Строго е забрането и е казниво со закон било какво загадување на животната средина.

Измени во програмата и отказ на екскурзијата

Организаторот има право да ја измени програмата во случај на виша сила или вонредни околности кои не можел да ги предвиди, избегне или отстрани.

Доколку претходно уплатил, учесникот на патувањето има право на рефундација на износот за нереализираните услуги или пак соодветна замена.

Организаторот е должен благовремено да го извести учесникот за новонастанатите промени.

Close Menu